Pyetja : Pershendetje,

Bera nje echo te barkut ne 13 Shtator, dhe doktori me tregoi qe prostata ishte zmadhurar me peshë rreth 35 gram. Pastaj bera uriflowmetri dhe PSA (0.41).

Mjeku përshkroi ilacin Contiflo (tamsulosin 0.4), një herë në ditë. Që atëherë e kam marrë rregullisht për 3 vite rresht. Madhësia e prostatës nga 31 gram, PSA 0.4 (2014); ne 39 gram, PSA 0,41 (dhjetor 2015).

URIFLOMETRIA ISHTE NORMALE në 28/02/2016.

A duhet të vazhdoj ilaçin CONTIFLO icon 0.4 gjatë gjithë jetës? Cili është efekti anësor? A mund ta perdor me nderprerje ? Po në lidhje me provën e ilaçeve bimore, cfare me rekomandoni?

Pergjigja : Përshëndetje

Contiflo (Tamsulosin), një ilaç që i përket grupit të barnave të quajtur bllokues te receptoreve alpha. Dhe ne te veretete, është një nga medikamentet më të përdorura në zmadhimin e prostatës.

Një prostatë mesatare ka madhësinë e një arre dhe peshon afërsisht 20 miligramë. Madhësia dhe pesha e saj rritet jo vetëm me moshën, por edhe me indeksin e masës trupore.

Duke pasur parasysh vendndodhjen e saj, një prostatë e rritur si në peshë ashtu edhe në madhësi parandalon urinimin normal, për shkak të bllokimit të tubit që kullon urinën nga fshikëza e urinës (Uretra).

Kjo është arsyeja pse burrat me zmadhim të prostatës kanë një rrjedhë të dobët të urinës, ndjenjën se nuk janë në gjendje të zbrazin fshikëzën plotësisht ose ndonjëherë nuk janë në gjendje të urinojnë fare. Contiflo ndihmon në relaksimin e muskujve në prostatë dhe në hapjen e fshikëzës. Si rrjedhim, kjo ndihmon në zbutjen e simptomave.

POR ajo qe eshte e rendesishme eshte fakti qe Contiflo nuk e zvogëlon prostatën tuaj. Përfundimisht, me kalimin e kohës, prostata juaj mund të rritet më shumë siç ka ndodhur në rastin tuaj (ajo shkoi nga 31 g në 2014 në 39g në 2015).

PSA (antigjeni specifik prostatik) rritet në rastet e zgjerimit të prostatës megjithëse nuk ka ndonje percaktim specifik midis një niveli jonormal dhe normal të PSA.

Contiflo duhet të merret rregullisht në mënyrë që të jetë efektive. Ju nuk mund ta merrni me ndërprerje sepse nuk do të funksiononte.

Disa nga efektet anësore të Contiflo janë si më poshtë:

1.Efektet anësore më të zakonshme janë – ethe, dhimbje të mesit, kollë ose ngjirje të zërit
2.Më pak të zakonshme – dhimbje gjoksi
3.Të rralla – Marramendje, të fikët, ngritje të dhimbshme ose të zgjatur të penisit
4.Efekte të tjera anësore incidenca e të cilave nuk dihet – turbullim i shikimit, konfuzion, diarre, kruarje, rrahje të shpejta të zemrës, dhimbje fyti, djersitje, shtrëngim në gjoks, dhimbje të kyçeve ose muskujve, lodhje ose dobësi të pazakontë etj.

Ne lidhje me ilacet bimore per prostaten, ato jane te shumta e mund te merren si caj p.sh. ATC Caji per prostaten, apo preparate te tjera ne forme kapsulash me permbajtje Saw palmeto, zinc, etj. Gjithcka ne varesi te gjendjes suaj.

Gjithe te mirat. Me shkruani nese do keni ndonje shqetesim tjeter.