Testet që duhet të bëhen janë shumë të lehta. Gjithashtu, mund të aplikohen dhe në kushte shtëpie, ku me anë të një aparati te thjeshtë të quajtur glukometër mund të kemi rezultatet kurdo dhe kudo.

Me rëndësi të lartë eshtë leximi dhe interpretimi vetjak i rezultateve.

Mbani në mend se rezultatet janë të ndryshme çdo herë që kryhet testi, prandaj është e dobishme pasja e njohurive mbi nivelet e  ndryshme të sheqerit në gjak, në varësi të situatave ditore, në mënyrë që të shmangen keqkuptimet.

Pra, niveli i sheqerit që merrim kur kryhet një analizë rastësore ndryshon nga ai esëll, gjithashtu nga ai që merrim kur masim dy orë pasi kemi ngrënë.

Me rëndësi është theksimi i faktit se ndryshojnë nivelet e sheqerit në gjak tek adultët nga fëmijët. Ndërkohë, testi HbA1C është një nga testet, që tregon mesataren e sheqerit në gjak në një periudhë prej 3 muajsh.

Është e këshillueshme hartimi ditareve me vlerat e vetë-matura të glukozës në gjak , në mënyrë që të lehtësohet dhe vlerësimi i administrimit tuaj të diabetit nga mjeku. Në bazë të shifrave, mjeku juaj do të vendosë se cili është niveli juaj mesatar i glukozës dhe do të marrë vendime të rëndësishme mbi ndjekjen tuaj të mëtejshme.